చాలా రోజులుగా మినా హృదయంలో ఒకే భయం ఉంది.

జోనాథన్ ఎక్కడ ఉన్నాడు?

అతను ఎందుకు ఉత్తరాలు రాయడం ఆపేశాడు?

అతను బతికే ఉన్నాడా?

ఎక్కడో దూరంగా బాధపడుతున్నాడా?

జొనాథన్ సమాచారం కోసం ఆమె ఎదురు చూస్తున్నది…

ప్రతి రోజు ఏమీ రాదు.

చివరకు…

ఒక ఉత్తరం వచ్చింది.

కానీ అది జోనాథన్ నుంచి కాదు.

అతని గురించి.

⸻

ఆ ఉత్తరం బుడాపెస్ట్‌లోని ఒక ఆసుపత్రి నుంచి వచ్చింది.

అగాథా అనే నర్స్ ముఖ్యమైన సమాచారాన్ని మినాకు రాసింది.

జోనాథన్ ఆచూకీ తెలిసింది.

అతను బతికే ఉన్నాడు.

ఆ మాటలు చదివిన క్షణం మినా హృదయంలో ఉన్న భారం కొంత దిగిపోయింది.

ఎన్నో రోజుల భయం, అనిశ్చితి తర్వాత ఆమెకు చివరకు సమాధానం దొరికింది.

జోనాథన్ చనిపోలేదు.

కానీ ఆమె ఉత్తరాన్ని చదువుతూ ఉండగానే…

ఆ ఉపశమనం మళ్లీ ఆందోళనగా మారింది.

జోనాథన్‌కు ఏదో ఆపద సంభవించిందని సిస్టర్ అగాథా రాసింది.

జోనాథన్ ఆసుపత్రికి వచ్చినప్పుడు చాలా బలహీనంగా ఉన్నాడు.

అతని శరీరం, మనసు రెండూ పూర్తిగా కృశించిపోయాయి.

అతను తీవ్రమైన మానసిక షాక్‌కు గురయ్యాడు.

వారాల తరబడి తీవ్రమైన జ్వరంతో పోరాడాడు.

ఆ జ్వరంలో అతను నిద్రలోనే మాట్లాడేవాడు.

విచిత్రమైన మాటలు. ప్రేలాపనలు.

వినడానికి అసాధ్యంగా అనిపించే మాటలు.

అతను రాక్షసుల గురించి మాట్లాడాడు.

రక్తం గురించి.

ఒక భయంకరమైన కోట గురించి.

సాధారణ మనిషి కాని ఒక శక్తివంతమైన శక్తి గురించి.

ఆసుపత్రి నర్సులు అవన్నీ జ్వరంతో బాధపడుతున్న రోగి పలికే అర్థంలేని మాటలేనని అనుకున్నారు.

కానీ మినాకు జోనాథన్ తెలుసు.

అతను అర్థంలేని విషయాలు ఊహించే మనిషి కాదు.

అతనికి ఏదో జరిగింది.

అతన్ని దాదాపు నాశనం చేసేంత భయంకరమైనదేదో.

⸻

మినా ఒక్క క్షణం కూడా ఆలస్యం చేయలేదు.

జోనాథన్‌కు ఆమె అవసరం ఉంది.

ఆమె వెంటనే బుడాపెస్ట్‌కి వెళ్లడానికి సిద్ధమైంది.

లూసీ ఇంకా బలహీనంగానే ఉంది.

ఆమెను వదిలి వెళ్లడం మినాకు బాధగా అనిపించింది.

కానీ జోనాథన్ ఆమె ప్రేమించిన మనిషి.

వారాల తరబడి అతను బతికున్నాడో లేదో తెలియక ఎదురుచూసిన తర్వాత…

ఇంకొక రోజు కూడా వేచి ఉండలేకపోయింది.

ఆమె అతని దగ్గరకు వెళ్లాలి.

⸻

మినా ఆసుపత్రికి చేరుకున్నప్పుడు చూసిన దృశ్యం ఆమెను కుదిపేసింది.

జోనాథన్ పూర్తిగా మారిపోయాడు.

ఇంగ్లాండ్ నుంచి బయలుదేరిన ఆ ధైర్యమైన, నమ్మకంగా ఉన్న యువకుడు ఇప్పుడు కనిపించడం లేదు.

ఆమె ముందు మంచంపై పడుకున్న వ్యక్తి పాలిపోయిన ముఖంతో, పూర్తిగా అలసిపోయిన శరీరంతో ఉన్నాడు.

ముఖంలో అతను అనుభవించిన బాధ స్పష్టంగా కనిపిస్తోంది.

అతని జుట్టులో కొంత భాగం తెల్లబడిపోయింది.

అతను ఎదుర్కొన్న భయం అంతటి తీవ్రంగా ఉందని మినాకు అర్థమైంది.

ట్రాన్సిల్వేనియాలో జరిగినది ఆమె ఊహించిన దాని కంటే చాలా భయంకరమైనది.

⸻

మినాను చూసి జోనాథన్ అమితంగా సంతోషించాడు.

ఆమె రాక అతనికి ఓదార్పునిచ్చింది.

శాంతిని ఇచ్చింది.

కానీ అతను ఇంకా పూర్తిగా కోలుకోలేదు.

అతను మినాకు ఒక విషయం చెప్పాడు.

డ్రాకులా కోటలో జరిగిన ప్రతిదీ తన డైరీలో రాసుకున్నానని చెప్పాడు.

తాను చూసినది.

తాను అనుభవించినది.

తాను భయపడుతున్నది.

అన్నీ అందులో ఉన్నాయని చెప్పాడు.

కానీ…

ఆ డైరీని మళ్లీ చదవడానికి అతనికి ధైర్యం లేదు.

ఆ జ్ఞాపకాలు చాలా బాధాకరమైనవి.

అవి నిజమైతే భయంకరం.

అవి కేవలం అనారోగ్యంతో ఉన్న మనసు కలలు అయితే మంచిదని అతని మనసు కోరుకుంటోంది.

⸻

జోనాథన్ ఆ డైరీని మినాకు ఇచ్చాడు.

“ఇందులో నిజం ఉంది,” అన్నాడు.

“కానీ చాలా అవసరం ఉన్నప్పుడు మాత్రమే దీనిని చదువు.”

అతను మరచిపోవాలని కోరుకుంటున్నాడు.

ఆ భయంకరమైన గతాన్ని వెనక్కి వదిలేయాలని కోరుకుంటున్నాడు.

మినాతో కలిసి కొత్త జీవితం ప్రారంభించాలని కోరుకుంటున్నాడు.

మినా అతన్ని అర్థం చేసుకుంది.

ఆ డైరీని తీసుకుంది.

దాన్ని మూసి భద్రంగా పెట్టుకుంది.

అత్యవసర పరిస్థితి వచ్చే వరకు దాన్ని తెరవనని మాట. ఇచ్చింది.

ఆమె ఆసక్తి కంటే ప్రేమను ఎంచుకుంది.

సమాధానాలకంటే జోనాథన్ ప్రశాంతతను ఎంచుకుంది.

⸻

కొద్ది కాలానికే జోనాథన్, మినా ఒక ముఖ్యమైన నిర్ణయం తీసుకున్నారు.

ఇక వేచి ఉండకూడదని నిర్ణయించుకున్నారు.

వారు బుడాపెస్ట్‌లోనే వివాహం చేసుకున్నారు.

జోనాథన్ ఎన్నో బాధలు అనుభవించిన తర్వాత, తమ భవిష్యత్తును వెంటనే ప్రారంభించాలని ఇద్దరూ కోరుకున్నారు.

వారి పెళ్లి చాలా సాధారణంగా జరిగింది.

పెద్ద వేడుక లేదు.

బంధువుల గుంపు లేదు.

ఆర్భాటం లేదు.

కానీ…

ఆ పెళ్లి ప్రేమతో నిండి ఉంది.

చాలా వారాల తర్వాత మొదటిసారి జోనాథన్ కు సురక్షితంగా ఉన్నానని అనిపించింది.

మినాకు మళ్లీ ఆశ కలిగింది.

ఆ భయంకరమైన కల ముగిసిపోయిందని వారు నమ్మారు.

కానీ వారికి నిజం తెలియదు.

ఆ పీడకల వారిని వెంబడిస్తూ ఇంగ్లాండ్‌కి వచ్చింది.

⸻

ఇంగ్లాండ్‌లో లూసీ ఆరోగ్యం ఇంకా క్షీణిస్తోంది.

ఆర్థర్‌తో నిశ్చితార్థం అయిన తర్వాత ఆమె ముఖంలో కనిపించిన ఆనందం నెమ్మదిగా మాయమవుతోంది.

ప్రతి రోజు ఆమె మరింత బలహీనంగా మారుతోంది.

ఆమె అందమైన, ఉల్లాసమైన రూపం మసకబారుతున్నది.

ముఖం తెల్లగా మారుతున్నది.

శక్తి తగ్గిపోతోంది.

చిన్న చిన్న పనులు చేసినా అలసిపోతోంది.

ఎవరూ కారణం అర్థం చేసుకోలేకపోతున్నారు.

వైద్యులు కూడా స్పష్టంగా చెప్పలేకపోతున్నారు.

లూసీకి కూడా ఏమి జరుగుతోందో తెలియదు.

ప్రతి ఉదయం లేవగానే…

మునుపటి రోజుకంటే ఎక్కువ అలసటగా ఉన్నదని మాత్రమే తెలుసు.

⸻

ఆర్థర్ తీవ్రమైన ఆందోళనలో పడిపోయాడు.

తాను ప్రేమించే మహిళ ఇలా బాధపడటం అతను భరించలేకపోయాడు.

తన మిత్రుడు డాక్టర్ సీవర్డ్‌ను సహాయం కోసం పిలిచాడు.

సీవర్డ్ వెంటనే వచ్చి లూసీని పరీక్షించాడు.

మొదట అతను ఇది సాధారణ అనారోగ్యమేమో అనుకున్నాడు.

బహుశా ఒత్తిడి.

లేదా అలసట.

కానీ లూసీని చూసిన వెంటనే అతను ఆందోళన చెందాడు.

ఏదో చాలా తేడాగా ఉంది.

లూసీ శక్తిని ఎవరో నెమ్మదిగా తీసుకుంటున్నట్లుగా కనిపిస్తున్నది.

కానీ దానికి స్పష్టమైన కారణం లేదు.

గాయం లేదు.

కనిపిస్తున్నవ్యాధి లేదు.

ఆమె పరిస్థితిని వివరించే ఏ లక్షణమూ లేదు.

⸻

సీవర్డ్ ఆమెను జాగ్రత్తగా పరిశీలించాడు.

అతను తెలివైన వైద్యుడు.

శాస్త్రాన్ని, ఆధారాలను నమ్మే మనిషి.

కానీ లూసీ అనారోగ్యం అతనిని అయోమయంలోకి నెట్టింది.

ఆమె లక్షణాలు అతనికి తెలిసిన ఏ వ్యాధికీ సరిపోవడం లేదు.

ఎవరైనా లేదా ఏదో ఒకటి…

ఆమె జీవ శక్తిని నెమ్మదిగా పీల్చుకుంటున్నట్లుగా ఉంది.

రాత్రి తర్వాత రాత్రి.

నెమ్మదిగా.

ఆ ఆలోచన అసాధ్యంగా అనిపించింది.

కానీ ఆధారాలు అతని కళ్ల ముందే ఉన్నాయి.

⸻

సీవర్డ్‌కు ఇప్పుడు సహాయం అవసరమని అర్థమైంది.

అతను అందరి కంటే ఎక్కువగా నమ్మే ఒక వ్యక్తి ఉన్నాడు.

తన పాత గురువు.

తన మిత్రుడు.

ప్రొఫెసర్ అబ్రహాం వాన్ హెల్సింగ్.

వాన్ హెల్సింగ్ ఆమ్స్టర్డామ్‌కు చెందిన ప్రతిభావంతమైన వైద్యుడు.

అతను తన జీవితాన్ని వైద్యం, శాస్త్రం, విచిత్రమైన వ్యాధుల అధ్యయనానికి అంకితం చేశాడు.

అతను తెలివైనవాడు.

అనుభవజ్ఞుడు.

ముఖ్యంగా…

ఇతరులు పట్టించుకోని అవకాశాలను కూడా ఆలోచించే మనిషి.

సీవర్డ్ వెంటనే అతనికి ఉత్తరం రాశాడు.

ఇంగ్లాండ్‌కు వచ్చి లూసీని పరీక్షించాలని వేడుకున్నాడు.

⸻

ఇదే సమయంలో మానసిక ఆసుపత్రిలో విచిత్రమైన సంఘటనలు చోటు చేసుకుంటున్నాయి …

రెన్‌ ఫీల్డ్ రోజురోజుకీ మరింత అసాధారణంగా మారుతున్నాడు.

జీవితం పట్ల అతనికి మరింత మక్కువ పెరుగుతున్నది.

అతను శక్తి గురించి మాట్లాడుతున్నాడు.

తనకంటే గొప్పవారికి సేవ చేయడం గురించి మాట్లాడుతున్నాడు.

రాబోతున్న ఒక యజమాని గురించి మాట్లాడుతున్నాడు.

డాక్టర్ సీవర్డ్‌కు అతని మాటలు అర్థం కావడం లేదు.

కానీ రెన్‌ఫీల్డ్ మాత్రం పూర్తిగా నమ్మకంగా ఉన్నాడు.

ఒక శక్తివంతమైన వ్యక్తి దగ్గర లోనే ఉన్నాడని అతను నమ్ముతున్నాడు.

ఎన్నాళ్లుగానో తాను ఎదురు చూస్తున్న వ్యక్తి.

⸻

ఒక రాత్రి రెన్‌ఫీల్డ్ చాలా ఉత్సాహంగా మారిపోయాడు.

బయట ఉన్న చీకటి వైపు చూస్తూ ఉన్నాడు.

అతని ప్రవర్తన ఒక్కసారిగా మారిపోయింది.

ఎవరూ చూడలేని ఏదో శక్తి దగ్గర పడుతున్నదని .

వైద్యులకు అతను కేవలం ఒక మానసిక రోగి మాత్రమే.

కానీ రెన్‌ఫీల్డ్ తనకు నిజం తెలుసనని నమ్ముతున్నాడు.

తన యజమాని వచ్చేశాడు.

⸻

కొద్దికాలంలోనే వాన్ హెల్సింగ్ ఇంగ్లాండ్‌కు చేరుకున్నాడు.

అతను లూసీని జాగ్రత్తగా పరీక్షించాడు.

ఇది కఠినమైన వైద్య కేసు అనుకున్నాడు.

కానీ అతనికి కూడా ఆశ్చర్యమే కలిగింది.

లూసీ తన శక్తిని ప్రమాదకరమైన స్థాయిలో కోల్పోయింది.

ఆమె శరీరం బలహీనంగా ఉంది.

ఆమె రక్తం విచిత్రంగా తగ్గిపోయినట్లుగా ఉంది.

కానీ కారణం లేదు.

అంత రక్తం కోల్పోయే పెద్ద గాయం లేదు.

అర్థమయ్యే వ్యాధి లేదు.

మొదటిసారి…

వాన్ హెల్సింగ్ ముఖంలో కూడా ఆందోళన కనిపించింది.

⸻

అతను తన ఆలోచనలన్నీ వెంటనే బయట పెట్టలేదు.

ఇంకా కాదు.

ఏదో తేడా ఉందని అతనికి తెలుసు.

అది సాధారణ విషయం కాదని తెలుసు.

సాధారణ వైద్యానికి మించినదేదో ఉందని అనుమానం కలిగింది.

కానీ అతనికి ఆధారం కావాలి.

సమయం కావాలి.

మాట్లాడే ముందు అతను పూర్తిగా నిశ్చయించుకోవాలి.

⸻

లూసీ చుట్టూ ఉన్నవాళ్లు ఇంకా ఆమె కోలుకుంటుందని ఆశిస్తున్నారు.

ఆర్థర్ ఆశిస్తున్నాడు.

సీవర్డ్ ఆశిస్తున్నాడు.

మినా ఆశిస్తోంది.

వైద్యులు, మందులు ఆమెను రక్షిస్తాయని అందరూ నమ్ముతున్నారు.

చెడు రోజులు త్వరలో ముగుస్తాయని భావిస్తున్నారు.

కానీ…

ఎక్కడో చీకటిలో…

కనిపించని శత్రువు ఇంకా కదులుతున్నాడు.

జోనాథన్ డ్రాకులా కోట నుంచి తప్పించుకున్నాడు.

కానీ డ్రాకులా ఇంగ్లాండ్‌కు చేరుకున్నాడు.

ట్రాన్సిల్వేనియా పర్వతాల్లో ప్రారంభమైన ప్రమాదం సముద్రాన్ని దాటి వచ్చింది.

ఇప్పుడు అది ఒక కొత్త బాధితురాలిని కనుగొంది.

లూసీ.

డ్రాకులాతో యుద్ధం ప్రారంభమైంది.

కానీ అతనితో యుద్ధం చేస్తున్నవారికి…

తాము యుద్ధంలో ఉన్నామనే విషయం ఇంకా తెలియదు.